نسينا و الا تناسينا؟

بلاد معروفك بحكمت تاريخها و بعض مفكريها  ،  معروفة بشجاعة رجالها من قديم العهد ضد العدو و المستعمر و الخائن،  طبيعي بما انو تعاقبت عليها حضارات حربية غنية عن التعريف...  لاكن هالتعريف الغاية فالاختصار متناقض تماما مع احداث الاربعة سنوات الاخيرة،  2011/2015 بعد انتفاضة قصيرة المدى تداول على التنكيل بها ساسة العالم و اصبحت مركز تنفيذ المخططات القذرة فالعالم الثالث الغني بالثروات الطبيعية و الفقير بمدى ذكاء شعبها... 
تونس صار فيها حاجات ترمز الى تهاوي اسمها! 
- تتفكرو احداث الدم فالرديف 2008؟  الي ماتو و تجرحو فيها عباد رجال مقبلوش الظلم و حبو عالكرامة!  
- تتفكرو احداث ديسمبر 2010/فيفري 2011؟  الي ماتو و تجرحو فيها ناس رجال مقبلوش الضلم و حبو عالخبزة و الكرامة!
- تتفكرو احداث الاعتداء تع 9 افريل 2012 الي ماتو و تجرحو و تقمعو فيها عباد رجال غارو على دم ولاد بلادهم و حبو يعبرو!
-تتفكرو احداث سليانة و الرش الي ماتو  و تجرحو فيها رجال و عباد خرجو عالضلم و الحرية و وقف الممارسات الدنيئة في ادارة البلاد! 
-تتفكرو احداث 6 فيفري و 25 جويلية وقت دخول تونس للتاريخ بزوز اغتيالات سياسية دنيئة الشهيدين البراهمي و بلعيد!
-تتفكرو احداث الاعتداء الفاحش على الاتحاد العام التونسي للشغل اعرق منظمة في تونس من قبل جرذان رابطات حكاية الثورة؟ 
-تتفكرو لطفي نقض و باقي ضحايا التفرقة الحزبية؟ 
-تتفكرو احداث سفارة امريكا و السلفيين المغرر بهم الي ماتو ضحية السياسة؟ 
-تتفكرو احداث باردو و جنازتا شكري بلعيد و البراهمي و كيف تم الاعتداء على الناس من قبل البوليس والميليشيات؟ 
-تتفكرو الجنود و الامنيين الي ماتو ضحية اللعبة القذرة السياسية تحت غطاء ارهاب و جهاد؟ 
-تتفكرو الناس الي تشدو فالحبس خاطر حاربو الضلم بالمظاهرات و الا القلم و الا اللسان؟ 

تتفكرو الباقي الكل؟  الي صار في تونس مهد الحضارات و مرفوعة الجاه فالعالم؟ 

السياسة و المجتمع،  اثنان لا يفترقان!  السياسة القذرة قوية بالشعب المغفل المفعول به... 

و توا تحكيو على انتخبات قائمة على ديمقراطية...  ايه نعم ديمقراطية من غير محاسبة،  ملطخة بدماء و دموع احرار جعلو ممارسي السياسة ابطال طليقي اللسان... 

''الابطال يموتون و الانذال يدخلون التاريخ''

                     #    جهاد مبروك

انتخبات؟

كثرو المرشحين لرئاسة الدولة،  قرب الخمسين مرشح،  و فيهم الكفاءات و فيهم الغير اكفاء،  و نعرفو الي الدولة التونسية و الهيئة العليا للانتخابات و وزارة المالية حطو مبالغ مالية لكل مرشح حامل لجمير الشروط المنصوص عليها و هالمبلغ تقريبا 75 الف دينار،  و طبعا حسب ما يقولو كل واحد يتحاسب في لجنة محاسبة منبثقة من الهيئة العليا للانتخابات للنظر في كيفية تصرف كل مرشح في مال الحملة بالفاتورات... 
اذا حسبنا قداش تجي قيمة الاموال المخصصة للمرشحين نلقاو =3,750,000,000 ثلاثة مليارات و سبعمائة و خمسين مليون... 
المبلغ هذا فيه تقريبا 80% منو ماشي حرام حسب كفائة المرشحين خاطر حسب رأيس 3 او 5 فقط ينجمو يصلحو رئساء لتونس رغم يقيني انهم معندهم ما يبدلو نظرا لانو هناك من يقود البلاد من بعيد، ...  اذا هالفلوس الكل زائد فلوس الحملة الانتخابية تع الاحزاب فالانتخابات التشريعية الي تقريبا اكثر ب3 مرات من مبلع المرشحين للرئاسة خلى تونس تستنفع من حاجة بركا،  انها تدخل لموسوعة غينس كاكثر و اول  دولة فالعالم فيها مرشحين للرئاسة و قيمة المبالغ المتاحة لهم و للاحزاب تخلينا اكثر دولة صرفت فلوس عالانتخابات...  و هذا كلو طبعا يجي تحت غطاء الانتقال الديمقراطي و محلانا و مبهانا و ملا احنى،  في حين الي كانو عندهم الفضل باش يتشدقو السياسيين بحرية و سباحة فالبحر السياسي هوكم مطيشين فالهم و الغم و الميزيريا و الفقر و زادو ولاو زواولة... 

اذا المعادلة ممنوعة هوني،  فما شرفاء سقطو و السقاط ولاو شرفة.. .. 

يلعن بو الانتخبات و الاحزاب مادام اسيادهم يشوفو فالذل و الفقر... 

سلام!!

marroc couché de soleil

la tunisie dans tous les coeurs

une fille maghrébine de fese,  j'ai distinguer l'amour qu'elle a pour notre tunisie,  un amour énorme ! 

#fatima zahra
#marroc
#mai 2014

عزيز و #انا حرقت مركز

الحال عادي و الدنيا راكحة و الشارع تزقزق فيه العصافير و البوليس بالامن و الامان،  في حين فما جماعة يلوجو على نقبة تدخل منها الشمس،  يلوجو على دخان الكراهب،  و على زڨت عصفور على كتفهك،  يلوجو على كسكروت خمج بعد نهار متعب تعزى على ريوسهم،  على كعبة بيرا تعدي الغصة الي فالقلب عالبلاد،  يلوجو على الڨيثارة و الاورڨ و الكمبيوتر الي يمنتج بيه،  مالاخر يلوجو عالحرية... 
منهم عزيز عمامي،  عزيز 2008 عزيز 2009 عزيز 2010 و 2011،2012،2013،2014...  عزيز الي خدم لصالح الزوالي و الي وقف مع القضايا الوطنية الانسانية،  عزيز الي كان يوصل المعلومة لللناس،  يحرك الناس!  عزيز الي حلم كيف شوية شباب صحابو الي يتحركو،  انو يعمل بديل شبابي ياقف بالبلاد،  عزيز ولد عن خالد عمامي الراجل المقاوم الي يمن بالشباب!  عزيز الي قال ''انا حرقت مركز'' عاودها بعدو الالاف،  عزيز الي قال '' قانونكم سدو بيه'' في حكاية الزطلة..  عزيز الي رغم هذا الكل و رغم شهرتو يڨحف في سيڨارو،  زوالي ماعندوش!  و باعد يجيو يهزوه،  علاش؟  خاطرو عزيز عمامي! 

المقاومة مزالت،  و عزيز و امثالو مازالو باش ياقفو،  مازالو باش يعملو ثورة والحبس و من برة تونس! 

عزيز نشالله ما يخونوكش كيما ما خانو غيرك